İngilis dili, beynəlxalq imtahanlar, STEM və sosial elmlər üzrə proqramlar tələbələrin həm akademik, həm də şəxsi inkişafına uyğun qurulur.
Danışıq, dinləmə, oxu və yazı bacarıqlarını balanslı şəkildə inkişaf etdirməyə yönəlmiş proqramdır. Dərslər gündəlik ünsiyyət, qrammatika, lüğət ehtiyatının artırılması və sərbəst danışıq bacarıqlarının formalaşdırılmasını əhatə edir. Proqramın əsas məqsədi tələbələrin ingilis dilindən real həyatda və akademik mühitdə inamla istifadə etmələrini təmin etməkdir.
Beynəlxalq universitetlərə qəbul, təqaüd proqramları və peşəkar məqsədlər üçün tələb olunan IELTS imtahanına peşəkar hazırlıq proqramıdır. Dərslər Reading, Listening, Writing və Speaking bölmələrinin hər biri üzrə strategiyalar, sınaq imtahanları və fərdi geribildirimlərlə təşkil olunur.
ABŞ və digər ölkələrin nüfuzlu universitetlərinə qəbul üçün nəzərdə tutulmuş hazırlıq proqramıdır. Dərslər Reading, Writing və Mathematics bölmələrini əhatə edir. Proqram yalnız beynəlxalq universitetlərə deyil, eyni zamanda Azərbaycanda SAT nəticələri əsasında qəbul aparan ADA Universitetinə hazırlaşmaq istəyən abituriyentlər üçün də uyğun şəkildə hazırlanmışdır.
Akademik ingilis dili bacarıqlarını ölçən TOEFL imtahanına hazırlıq proqramıdır. Proqram tələbələrin universitet mühitində istifadə olunan akademik oxu, dinləmə, yazı və danışıq bacarıqlarını inkişaf etdirməyə yönəlib.
Qısa müddətdə beynəlxalq səviyyədə tanınan ingilis dili sertifikatı əldə etmək istəyən tələbələr üçün nəzərdə tutulub. Proqram imtahanın bütün bölmələri üzrə strategiyaları, vaxtın idarə olunmasını və akademik ingilis dili bacarıqlarının inkişafını əhatə edir.
Uşaqlar üçün xüsusi hazırlanmış proqramdır. Oyunlar, interaktiv fəaliyyətlər və yaşa uyğun metodlarla uşaqların ingilis dilini sevərək öyrənmələri, söz ehtiyatlarını artırmaları və erkən yaşlardan ünsiyyət bacarıqları qazanmaları məqsədilə təşkil olunur.
Məktəb proqramına uyğun şəkildə Riyaziyyat biliklərinin möhkəmləndirilməsi və inkişaf etdirilməsi üçün nəzərdə tutulmuş proqramdır. Dərslər məntiqi düşüncə, problem həll etmə və analitik yanaşma bacarıqlarının formalaşdırılmasına yönəlib.
Müasir texnologiya dünyasının əsaslarını öyrədən proqramdır. Burada alqoritmik düşüncə, proqramlaşdırmanın əsasları, problem həlli, rəqəmsal savadlılıq və kompüter elmlərinin fundamental anlayışları tədris olunur.
Tələbələrin analitik düşüncə, araşdırma və müstəqil fikir formalaşdırma bacarıqlarını inkişaf etdirməyə yönəlmiş proqramdır. İqtisadiyyat, cəmiyyət, beynəlxalq münasibətlər və müasir dünya problemlərinin öyrənilməsi vasitəsilə tələbələrin həm akademik, həm də şəxsi inkişafına töhfə verir. Xaricdə təhsil almağı planlaşdıran tələbələr üçün universitet həyatına hazırlıq baxımından da böyük əhəmiyyət daşıyır.
Riyazi analiz və ali riyaziyyatın əsaslarını əhatə edən proqramdır. Limit, törəmə, inteqral və onların tətbiqləri kimi mövzular tədris olunur. Proqram tələbələrin analitik düşüncə bacarıqlarını inkişaf etdirməklə yanaşı, xarici universitetlərin birinci və ikinci kurslarında qarşılaşacaqları riyaziyyat fənlərinə əvvəlcədən hazır olmalarına kömək edir.
Funksiyalar, qrafiklər, eksponent və loqarifmik ifadələr, trigonometrik funksiyalar və digər mürəkkəb mövzuları əhatə edən inkişaf proqramıdır. Dərslər həm akademik inkişaf, həm də xaricdə təhsil alan tələbələrin universitetin ilk illərində daha rahat adaptasiya olmaları və riyaziyyat fənlərində çətinlik yaşamamaları məqsədilə təşkil edilir.
Mikroiqtisadiyyat, makroiqtisadiyyat, bazar mexanizmləri və iqtisadi qərarvermə prinsiplərini əhatə edən proqramdır. Dərslər tələbələrin iqtisadi düşüncə tərzini inkişaf etdirir və biznes, iqtisadiyyat və sosial elmlər istiqamətində təhsil almağı planlaşdıran gəncləri universitet həyatına hazırlayır.